Plan estrategikoa

Zer da plan estrategikoa?

Plan estrategikoa jarduketa programa bat da. Zer lortu nahi dugun eta nola lortzeko asmoa dugun argitzea du helburu. Programazio hori adostutako dokumentu batean jasotzen da. Bertan zehazten ditugu erabaki nagusiak, gure urratsak kudeaketa bikainerantz gidatu behar dituztenak.

Zertarako egiten dugu plan estrategikoa?

• Erakundea sendotzeko: Loturak sustatu “organo erabakitzaileen” (Z.T.) eta lantaldeen artean. Guztien konpromisoa lortzen ahalegindu.
• Erakundearen gauza onak agerian jartzeko: Helburua da pertsonei parte harraraztea ongien egiten ditugun gauzen balorazioan, arazoak eta aukerak identifikatzen elkarri lagunduz.
• Etorkizuneko ideiak argitzeko: Maiz, ohiko aferek, gure enpresaren egunerokoak, hainbesteraino kentzen digute arreta ezen ez baitigute uzten bihartik harago ikusten. Prozesu honek “nahitaez” eginaraziko digu “beharrezkoa den etenaldia”, erakunde gisa geure burua azter dezagun, ea egiaz badugun etorkizunik eraikitzeko.

Plan estrategikoaren helburua

Erakundearen mapa marraztea, bidea erakutsiko diguna gure ikuspegia lortzeko eta proiektuak ekintza bihurtzeko (joerak, helmugak, helburuak, arauak, egiaztapena eta emaitzak).