eseu
Harremanetarako
eseu
Harremanetarako
Departamentuak

Ingelesa

FP Donibane > Departamentuak > Ingelesa

Donibane IIko Ingeles Departamentua bi irakaslek osatzen dute. Eginkizun hauek dituzte:

1.
Ingeleseko modulua irakastea ikastetxean ematen diren goi mailako heziketa ziklo guztietan

 

 

 

departamento de ingles FP Donibane

Ingelesa

Ingeleseko moduluak ez dauka atxikita gaitasun unitaterik zikloen diseinuan, estatu mailan. Nolanahi ere, ingelesez modu independentean komunikatzeko gaitasuna lortu behar da automatizazioaren eta robotika industrialaren edo zurgintza eta altzarigintzaren alderdi teknikoekin zerikusia duten arloetan.

Helburua da ikasleak gai izan daitezela honela jarduteko:

  • Instalazioaren zuinketa egitea dokumentazio teknikoari jarraituz, norberaren eskumeneko arazoak konponduz eta beste gorabehera batzuen berri emanez muntaketaren bideragarritasuna ziurtatzeko.
  • Dokumentazio tekniko eta administratiboa egitea, indarra duten legeei eta bezeroaren eskakizunei jarraituz.
  • Lan egoera berrietara egokitzea, eta horretarako, norberaren lanbide inguruneari dagozkion ezagutza zientifiko, tekniko eta teknologikoak eguneratuta edukitzea, norberaren prestakuntza eta bizitzan zehar eskura dauden ikasteko baliabideak kudeatzea, eta informazioaren eta komunikazioaren teknologiak erabiltzea.
  • Egoerak, arazoak edo gorabeherak ebaztea, eta horretarako ekimena eta autonomia edukitzea norberaren eskumeneko eremuan, sormena eta berritzeko eta hobetzeko gogoa erakutsiz bai norberaren lanean bai taldekideen lanean.
  • Lantaldeak antolatzea eta koordinatzea arduraz, lanaren garapena gainbegiratzea harreman arinak edukiz eta lidergoa hartuz, eta sortzen diren taldeko gatazketan konponbideak eskainiz.
  • Lankideekin, nagusiekin, bezeroekin eta ardurapeko pertsonekin komunikatzea, komunikazio bide eraginkorrak erabiliz, informazio edo ezagutza egokiak transmitituz, eta norberaren lanaren esparruan esku hartzen duten pertsonen autonomia eta gaitasuna errespetatuz.

2.
Ikastetxea NUHEOren laguntzailea da

NUHEOren programaren bidez Nafarroako ikastetxeetako ikasleek B1 eta B2 ziurtagirietarako azterketa prestatzen ahal dute. Ikastetxean ingeleseko bi mailak eskaintzen dira ikasturte honetan. Ikasleak ikastetxeko koordinatzailearen bitartez matrikulatzen dira, hark epeak jakinarazten dizkie eta dokumentazioa biltzen du, eta ikasleek laguntza jasotzen dute azterketak prestatzeko. Maiatzean koordinatzaileak ahozko azterketa egitera laguntzen die, eta ekainean idatzizko azterketa egiten dute.

Edozein galdera egiteko, mezu elektronikoa bidal dezakezu hona: fpdonibane.ingles@educacion.navarra.es