Fabrikazioko, instalazioko eta muntaketako zeregin oinarrizkoak egitea zurgintzako eta altzarigintzako elementuekin: gainazalak egokitu, akabera produktuak eman, tapizatze prozesuetan lagundu, produktuak prestatzen lagundu eskatzen diren estetikarekin eta akaberekin. Horretarako, adierazitako kalitatearekin lan eginen da, laneko arriskuen prebentzioko eta ingurumena babesteko arauak beteko dira, kasuan kasukoak, eta ahoz eta idatziz komunikatuko da gaztelaniaz eta, hala balegokio, berezko hizkuntza koofizialean edota atzerriko hizkuntza batean.
Oinarrizko Lanbide Heziketako zikloetan sartu ahal izateko baldintza hauek bete beharko dira, denak batera:
Langile hau enpresa txiki, ertain edo handietan aritzen ahal da, bere kontura nahiz besteren kontura, zurgintzako eta altzarigintzako elementuak fabrikatzen eta instalatzen, eta orotariko altzariei akaberako produktuak ematen eta altzariak tapizatzen.
Prest jartzea lanpostua, tresnak, makineria osagarria eta makinak, zurgintzako eta altzarigintzako elementuen mekanizazio, akabera eta tapizatze eragiketak egin ahal izateko.
Zurgintzako eta altzarigintzako elementuak fabrikatzeko eta instalatzeko materialak eta produktuak aukeratu eta biltzea, jarraibide teknikoen arabera.
Marraketa, ebaketa eta mekanizazio eragiketak egitea zurean, ehunean eta eratorrietan, ezarritako prozedurak erabiliz.
Loturak egitea zurean, ehunean eta eratorrietan, erresistentziaren, ekonomiaren eta funtzionaltasunaren irizpideei jarraituz.
Akabera eta tapizatze eragiketak egitea, eskuz eta makinaz, aldez aurretik gainazalak prestatuta, bai eta ekipamendu eta materialak ere, kalitate eta segurtasun baldintza onenetan funtziona dezaten.
Tresna eramangarriak erabiliz altzariak muntatu eta ahokatzea, tartean moduluzko altzariak eta altzari tapizatuak, eta egiaztatzea badutela eskatutako funtzionaltasuna, eta, hala badagokio, haiek paketatu eta garraiatzeko baldintzak betetzen direla.
Zurgintzako eta altzarigintzako elementuak garraiatu, desmuntatu, muntatu edota instalatzeko eragiketa osagarriak egitea, ezarritako hornikuntza eta kalitate baldintzak betez.
Parketa, tronadura edo frisoak instalatzeko oinarrizko eragiketak egitea, berdintzeko pastak emanez, gainazalak lixatuz eta ahokatze eta akabera prozesuetan jardunez.
Bezeroari arreta ematea, haren premiak ongi asetzeko interes eta kezka erakutsiz.
Bere ardurapeko lanak egitea bakarka nahiz taldean, autonomiarekin eta ekimenarekin, teknologiaren edo antolamenduaren aldaketek sortutako egoeretara moldatuz.
Arduraren eta autonomiaren ohiturak hartzea balioen praktikan oinarrituta, pertsonen arteko harremanak eta harreman profesionalak sustatzea, taldean lan egitea eta bizikidetasun giro ona sortzea, gizarteko esparru guztietan integratzeko egokia.
Natura ondarea kontserbatzearekin eta jasangarri egitearekin lotutako aztura eta balioak garatzea, gizarteen eta ingurune naturalaren arteko elkarrekintza aztertzea eta ingurumeneko orekaren gaineko giza ekintzaren ondorioak baloratzea.
Arte eta kultura adierazpen guztiak baloratzea modu funtsatuan, haiek aberastasun pertsonal eta sozialaren iturri gisa erabiltzea eta jarrera estetiko eta sentikorrak garatzea kultura aniztasunari eta arte ondareari begira.
Laneko edo gizarteko askotariko egoeretan komunikatzea, hizkuntza baliabideak zehatz eta argi erabiliz, testuingurua kontuan hartuz eta ahoz nahiz idatziz oinarrizko formak erabiliz, bai norberaren hizkuntzarenak, bai atzerriko hizkuntzaren batenak.
Bere gizarte eta produkzio ingurunearekin zerikusia duten arazo aurresangarriak ebaztea, zientzia aplikatuek eta gizarte zientziek eskaintzen dituzten elementuak erabiliz eta iritzi aniztasuna errespetatuz aberastasun iturri gisa, erabakiak hartzerakoan.
Modu aktibo eta arduratsuan egikaritzea bere lanbide jardueratik eta bere herritartasunetik ondorioztatzen diren eskubideak eta betebeharrak.
Heziketa ziklo honetako moduluak hauek dira:
Zura eta eratorriak mekanizatzeko oinarrizko eragiketak.
Zurgintzako eta altzarigintzako elementuak instalatzea.
Zuraren oinarrizko akaberak.
Ehunezko materialak eta produktuak.
Altzariak tapizatzea.
Bezeroentzako arreta
Zientzia aplikatuak I.
Zientzia aplikatuak II.
Komunikazioa eta gizartea I.
Komunikazioa eta gizartea II.
Lantokiko prestakuntza.
Lan hauetan aritu:
Ebanisteriako produktuen muntatzailea, oro har.
Zurezko edo antzeko altzarien muntatzailea.
Zurezko produktuen muntatzailea (ebanisteriako produktuak salbu).
Zurezko edo antzeko bilgarrien/enbalajeen muntatzailea.
Zurezko altzarien akabera-emailea.
Parketaren leuntzaile-bernizatzailea.
Zurezko artisautzako bernizatzaile-lakatzailea.
Zurezko altzarigintzako bernizatzaile-lakatzailea.
Altzarien akabera-treneko langilea.
Eskuzko enbalatzaile-paketatzaile-etiketatzailea.
Zuraren eta kortxoaren industriako peoia.
Altzarien tapizatzailea.
Ikasten jarraitu:
Erdi mailako heziketa ziklo batean (titulu honek lehentasuna izanen du lanbide arlo hauetako erdi mailako titulu guztietan ikasleak onartzeko: Zurgintza eta Altzarigintza, Eraikuntza eta Obra Zibila, Fabrikazio Mekanikoa, Instalazioa eta Mantentze-lanak, Garraioa eta Ibilgailuen Mantentze-lanak, Elektrizitatea eta Elektronika, Informatika eta Komunikazioak, eta Itsasoa eta Arrantza).
Langile hau enpresa txiki, ertain edo handietan aritzen ahal da, bere kontura nahiz besteren kontura, zurgintzako eta altzarigintzako elementuak fabrikatzen eta instalatzen, eta orotariko altzariei akaberako produktuak ematen eta altzariak tapizatzen.
